Пред пријателскиот натпревар со фуидбалската репрезентација на Хрватска, селекторот Благоја Милевски го најави мечот и ги кажа своите очекувања за средбата со селекцијата која ќе игра на Европското првенство (ЕП), но против Македонија ќе штеди сили.
„Очекувам еден добар натпревар, кога имате меч против селекција која според мене е топ-5 во светот, со сребро и бронза на последните првенства, со квалитет индивидуален и тимски, ни останува само да уживаме во мечот и да видиме како тим до каде сме. Сакаме да ги провериме сите играчи, за да видиме на кого можеме да сметаме во иднина. Се наоѓаме на крај на сезоната, но она кое го гледам во последните денови е дека сите се расположени да го дадат својот максимум. Кога играте за својата држава, мора да сте на повеќе од максимумот, така ќе биде и секогаш. Императив е да видиме до каде сме, во која насока и што треба да поправиме пред септемвриксиот циклус“, изјави Милевски.
Натпреварот меѓу Хрватска и Македонија се игра утре (понеделник) од 19:00 часот.