Милевски: Не очекува сосема поинаков меч со Италија од двата претходни

На најдобрите македонски фудбалари им претстојат последните два натпревара во квалификациската кампања за пласман во завршницата на Европското првенство 2024-та во Германија. Првиот е на гости против Италија, на 17-ти ноември во Рим, потоа против Англија, на 20 ноември во Скопје.

На денешната средба со новинарите селекторот Благоја Милевски го објави списокот на фудбалери на кои ќе смета за мечевите со Италија и со Англија.

– Во овие квалификации нема лесни или тешки противници, сите располагаат со одреден квалитет. Имаме позитивна атмосфера во тимот, правиме млад тим кој покажа дека може да е конкурентен и да се надигрува со сите. Фокусирани сме на мечот со Италија, тој ни е приоритет, потоа ќе размислуваме за Англија, изјави Милевски, додавајќи оти исходите од овие натпревари не би требало да бидат одлучувачки дали ќе му биде продолжен договорот што му истекува на крајот на ноември.

Македонија е четврта во групата Ц со шест бода и ги загуби сите шанси за евентуално освојување на едно од првите две места што водат на завршниот турнир.