Лука Модриќ наскоро ќе ја заврши етапата во Реал Мадрид. Славниот хрватски фудбалер е пред крајот на својата кариера, а шпанските медиуми пишуваат дека „кралевите“ веќе ја пронашле неговата замена која треба да дојде наредното лето.
Се работи за германскиот фудбалски репрезентативец и член на Баер Леверкузен, Флориан Вирц, кој веројатно ќе биде доведен за сума од 120 милиони евра и веднаш ќе го добие дресот со бројот 10.
Флориан Вирц досега настапи на 119 мечеви за „фармацевтите“ и постигна 29 првенствени погодоци, а минатата сезона беше еден од клучните играчи на Чаби Алонсо во походот кон првата историска шампионска титула.