Лука Модриќ го носи дресот на Реал Мадрид 12 години и оваа година може да биде негова последна.
Најмногу Хрватот се поврзуваше со клубови од Саудиска Арабија и МЛС лигата, но изгледа ќе има опции и да остане во европскиот фудбал.
Реал Сосиедад и Бетис, кои во последните години играат во европските купови, покажуваат сериозен интерес за Модриќ.
Не е тајна дека Хрватот и неговото семејство сакаат да останат во Шпанија, па овие понуди се прифатливи за Модриќ, но тој се уште ја нема донесено конечната одлука.