Конте се враќа во Јувентус?

Фудбалскиот тренер Антонио Конте призна дека наскоро би можел да се врати во Јувентус. Сепак, нагласи дека тој во моментов ужива во одморот со семејството, меѓутоа кажа дека сето тоа може да се смени со некоја примамлива понуда.

Конте беше тренер на Јувентус од 2011 до 2014 година, и освои три титули во Серија „А“. Тој потоа беше на чело на Интер од 2019 до 2021 година, потег кој ги влоши односите со тимот од Торино.

„Секој брак има две страни. Секогаш може да сонувате и да се надевате на нов брак. Она што е важно е да постои меѓусебно разбирање на идеите и мислите. Моментално уживам во слободното време кога го имам, но се може да се промени. Ако се појави нешто интересно, и ми ја даде вистинската мотивација, ќе се вратам на работа“, коментираше Конте.