Англискиот напаѓач на Баерн Минхен Хари Кејн стана првиот фудбалер кој успеал да постигне 31 гол во својата прва сезона во германската Бундес лига, пренесува „Опта Спортс“.
Денес, напаѓачот постигна еден од головите на Баерн против Дармштад 98 (5:2), што беше рекорд за Кејн.
Исто така, се дознава дека ова е и личен рекорд на Кејн по голови во една сезона во првенството. Претходно двапати за Тотенхем во Премиер лигата постигна 30 гола.
Да потсетиме, Хари Кејн минатото лето се пресели во Баерн од англискиот Тотенхем за 105 милиони евра.
Оваа сезона напаѓачот одигра 35 натпревари за тимот од Минхен во сите натпреварувања, на кои постигна 37 гола, од кои 31 гол во германското првенство, а асистираше 12 пати.
Договорот на играчот со германскиот клуб е со важност до крајот на јуни 2027 година.