Според правилата на ФИФА, познатото “правило на дедото”, еден играч може да настапува за репрезентација различна од онаа во која е роден, доколку неговите родители или баба и дедо се родени во таа земја.
Фудбалската федерација на Малезија, во обид да го засили својот тим, доставила изводи од матична книга на родени кои наводно докажувале дека бабите и дедовците на седуммина фудбалери од Аргентина, Шпанија, Холандија и Бразил се родени во Малезија.
Сепак, истрагата на ФИФА ги открила оригиналните документи, кои покажале дека предците на овие играчи се всушност родени во нивните матични земји, а не во Малезија. Станува збор за играчите Габриел Ароча, Факундо Гарсес, Јон Иразабал, Родриго Холгадо, Иманол Мачука, Хектор Хевел и Жоао Витор.