Фудбалската федерација на Македонија веднаш постапи според правилникот и го суспендира теренот на второлигашот Вардар Неготино
По крајот на натпреварот меѓу неготинчани и Охрид (0-1), неслужбено лице на теренот го нападна гостинскиот голман.
Тогаш дојде до мешаница, физичка пресметка на повеќе лица и ситуацијата ескалира. Тогаш реагираа полициските службеници и мешаницата се раздвои.
На вонредна седница Комисијата за натпревари по прегледаните снимки донесе одлука, „Градскиот стадион“ во Неготино да биде суспендиран на неопределено време.
Постапката ќе ја води Дисциплинската комисија, а до крајот на истата и изрекувањето на казната Вардар Неготино ќе игра на друг терен.