Маркус Рашфорд беше заменет во 61. минута на дуелот меѓу Англија и Малта и тоа по неговиот судир со Трент Александер-Арнолд, а допрва лекарскиот тим на англиската репрезентација ќе треба да потврди каков проблем имал напаѓачот на Јунајтед.
Проблем има и првиот голман Андре Онана, скапото засилување на Јунајтед од Интер, кој вчера почувствувал болка на дуелот меѓу Камерун и Маурициус.
Камерунците остварија убедлива победа, но Онана почувствувал болка на адукторот и бил заменет во 81. минута од натпреварот.
Англиските медиуми најавуваат пауза на неколку натпревари на камерунскиот голман, секако ако биде потврден проблемот со овој вид повреда.