Највисокиот суд во Шпанија ја поништи донесената одлука на Ла Лига и Фудбалската федерација на Шпанија и сега тие ќе треба да го пријават Олмо како фудбалер на Барсеона.
Од почетокот на случајот Барселона тврдеше дека документите биле навреме доставени, меѓутоа проблем беше правилото според кое еден фудбалер не може да биде регистриран по вторпат, ако претходно му била суспендирана регистрацијата од било која причина.
Во третата жалба Барселона успеа да ја објасни ситуацијата, а судот ги прифати аргументите и донесе одлука во полза на каталонскиот гигант.
Исто така добра вест за Барселона е што сега успеа да го врати нормалното финансиско работење, а последен пат тоа беше случај во 2020 година, па така клубот од Каталонија уште оваа зима ќе може да се активира и да купува во јануарскиот преоден рок.