Поранешниот селектор фудбалската репрезентација на Англија до 21 година, Ли Карсли го избра својот прв тим откако на кормилото го замени Герет Саутгејт како привремен менаџер.
50-годишникот донесе неколку забележителни одлуки, а ги изостави Маркус Рашфорд, Кајл Вокер, Џејмс Медисон и Адам Вартон. Од друга страна, тој ги вклучи Анхел Гомес, Нони Мадуек и Морган Гибс-Вајт.
Пред дуелот од Лигата на нации против Република Ирска и Финска, тројца играчи беа принудени да се повлечат. Во вторникот вечерта, Фудбалската асоцијација на Англија објави соопштение:
– Кол Палмер, Оли Воткинс и Фил Фоден нема да играат на претстојните натпревари на Англија во Лигата на нации. Тимот се собра к во вторникот, но, по проценката, Палмер и Воткинс се вратија во нивните соодветни клубови за да продолжат со рехабилитацијата од постоечките проблеми. Фоден не се појави поради болест и е исклучен од натпреварите против Република Ирска и Финска. Во моментов не се планирани дополнителни играчи – објави ФА.