Тренерот на Реал Мадрид, Карло Анчелоти е задоволен од победата на гостувањето кај Лајпциг. Кралскиот клуб победи во меч на кој упати само три прецизни удари кон голот на противникот, а еден заврши во мрежата.
На спротивната страна, Лајпциг дури девет пати шутираше во рамките на голот на Лунин, но голманот на гостите секогаш бранеше одлично. Тоа го знае и Анчелоти кој потенцираше дека ако Лунин не бил во таква форма, можело на крајот да биде и нерешено.
„Да бидам искрен средбата можеше да заврши нерешено. Лајпциг има добри офанзивни фудбалери и воопшто не беше лесно. Ова беше најдобриот меч на Лунин откако е дојден тука. Што се однесува до Брахим, мислам дека неговата повреда не е сериозна“, рече Анчелоти веднаш по мечот.