Италијанскиот стратег и тренер на Реал Мадрид Карло Анчелоти не се штеди кога е во прашање Федерико Валверде и го испофали Уругваецот со последната изјава.
– Кога реши да го напушти тимот, Крос избра идеален наследник.Тоа е Валверде, повеќе поради менталитетот отколку поради квалитетот. Неговата вредност расте бидејќи покажува поголема одговорност и повеќе карактер на теренот, не ми е тешко да кажам дека во моментов тој е незаменлив играч во тимот на Реал. Среќен сум што го имам, единствено мора да покаже поголема немилосрдност на теренот и да се спаси од својата претерана срамежливост, – изјави Анчелоти.