Памела Андерсон престана да носи шминка по смртта на нејзината шминкерка Алексис Вогел. Еве зошто нејзиниот живот без шминка стана симбол на слободата.
Памела Андерсон веќе некое време се појавува во јавноста без ни трошка шминка, а многумина го сметаат овој потег за тренд или маркетиншки трик.
Сепак, вистината е многу поемотивна – познатата актерка одлучи целосно да се откаже од шминката по смртта на нејзиниот долгогодишен шминкер Алексис Вогел, која почина од рак на дојка во 2019 година.
Памела објасни во интервју за „Ел“ дека Алексис била повеќе од соработник, таа била личноста што го обликувала нејзиниот препознатлив изглед од 90-тите и воедно некој на кого бескрајно му верувала.
Таа беше најдобрата – рече Памела. – И оттогаш имав чувство дека, без Алексис, е подобро воопшто да не носам шминка – додаде таа.
За Памела, шминката никогаш не била само рутина, туку дел од идентитетот што го градел тимот луѓе околу неа со години. Откако ја изгубила личноста зад нејзиниот гламурозен изглед, Памела почувствувала дека повеќе нема потреба да го „одржува“ истиот стил.
Зошто природниот изглед на Памела стана симбол
Додека социјалните медиуми во последниве години промовираат исклучително силни трендови во шминката (инспирирани од серијата „Еуфорија“ и слични естетски елементи), Памела одлучила да го направи она што секогаш го прави, спротивното.
Ги видов сите како прават големи, впечатливи изгледи со шминка… а јас сум тип што оди против струјата – призна таа.
Памела верува дека животот без шминка станал ослободувачки, забавен и малку бунтовен, особено во време кога жените чувствуваат притисок да изгледаат „помлади“ и „совршени“ како што стареат.
Андерсон искрено зборуваше за тоа како се чувствува кога ги гледа промените на своето лице:
„Мислам дека сите почнуваме да изгледаме малку чудно како што старееме… и понекогаш се смеам на себе кога се гледам во огледало.“
Со овој став, Памела уште еднаш покажа дека нејзината цел не е да се вклопи во наметнатите стандарди, туку да биде автентична, и тоа е причината зошто јавноста ја гледа како икона денес.
Враќањето на Памела Андерсон: од „отпишана“ до модна инспирација
Во последните неколку години, Памела Андерсон доживеа големо враќање на популарноста. Генерацијата Z го присвои стилот од 90-тите, а на мрежите се појави терминот „Pam-core“, естетика инспирирана од нејзината фризура, комбинации од кожа и препознатлив гламурозен изглед.
Памела дури призна дека дури и не знаела дека „Памкор“ постои сè додека нејзините синови не ѝ го објасниле, бидејќи таа не користи такви апликации и социјални мрежи.
Синовите Брендон и Дилан…
Нејзините синови Брендон и Дилан Ли играат голема улога во нејзината нова фаза од животот. Брендон го продуцираше документарецот „Pamela: A Love Story“, во кој Памела ја раскажува својата верзија на приказната за прв пат, без сензационализам или други толкувања.
Памела го опиша процесот како емотивен и трогателен, а за својот син рече:
„Тој е причината зошто се случи сето ова. Се чувствува како божествен момент. И многу сум горда на него.“