Американската актерка, пејачка и наследничка на глобалниот синџир хотели, Парис Хилтон, сподели видео од нејзиниот уништен дом во шумските пожари во Лос Анџелес, велејќи дека нејзината „болка е навистина неопислива“.
Парис Хилтон на социјалните мрежи објави видео од остатоците од нејзиниот дом што изгоре во разорниот пожар во Лос Анџелес.
Парис ги растажи своите следбеници со видеото од нејзиниот дом на плажа во Малибу, за кое платила повеќе од осум милиони долари во 2021-ва година.
-Кога првпат ја видов веста бев во целосен шок – не можев да ја прифатам. Но, сега, стоејќи овде и гледајќи со свои очи, ми се чини дека срцето ми се скрши на милион парчиња. Оваа куќа не беше само место за живеење – тоа беше место каде што сонувавме, се смеевме и ги правевме најубавите спомени како семејство. Тоа беше место каде што малите раце на Феникс создадоа уметност што ќе ја негувам засекогаш, каде љубовта и животот го исполнија секој агол. Гледајќи како се претвора во пепел… неописливо е болно“, навела таа на Инстаграм, заедно со видеото од изгорената куќа.
Таа додала дека и било особено тешко да знае дека „толку луѓе изгубиле се“ и дека тоа не беше само нејзиниот случај.
„Не се само ѕидовите и покривите – спомените се тие што ги направија домови. Ова се фотографии, спомени, незаменливи делови од нашите животи“, изјавила таа и додала дека е среќна што нејзините најблиски се безбедни.
Таа им се заблагодари на пожарникарите и волонтерите кои ги ризикуваа своите животи во борбата со пожарот.
„Благодарам од дното на моето срце. И на сите што минуваат низ оваа болка, знајте дека не сте сами. Заедно сме во ова. Ќе се подновиме и ќе се кренеме посилни од порано“ – напиша таа.
View this post on Instagram