Пејачката Маја Николиќ јавно откри тајна чувана 50 години, а на колешката и се извини што после толку време проговори.
По последното испраќање на вечното почивалиште на Бора Ѓорѓевиќ со полни почести во Алејата на заслужните граѓани во родниот Чачак, на ТВ Пинк гостуваа некои од колегите на Чорба кои зборуваа за него, а во еден момент пејачката Маја Николиќ откри долго чувана тајна за рокерот.
Имено, Маја Николиќ во емисијата откри дека Маја Оџаклиевска била неговата најголема љубов за која пишуваше и песни.
„Маја, прости ми што ја кажав оваа тајна што трае повеќе од 50 години. Маја Оџаклиевска беше неговата голема љубов кога беа многу млади. Тој беше висок и згоден, а таа со нејзините 1,55, беа совршен пар. Сè пукаше од емоции и љубов меѓу нив двајца. Нејзе и ја посвети песната „Неке су жене пратиле војнике“, ќе изјави Николиќ.
Маја Оџаклиевска, пак, во една прилика призна дека поминала добар дел од животот со Бора.
Македонската пејачка која со децении живее во Белград во интервју за ТВ Прва откри некои детали за Бора, но нивната врска ја нарече пријателска.