Поминаа осум години од грозоморното убиство на српската пејачка Јелена Марјановиќ, а мистеријата на ова злосторство се уште не е разрешена. Имено, безживотното тело на пејачката беше пронајдено во населбата Црвенка, кај Борча, на насип, а таа беше убиена на 2 април 2016 година.
Главен осомничен за нејзиното убиство е нејзиниот сопруг Зоран Марјановиќ, кој се уште е на суд.
Јелена Марјановиќ е родена на 28 август 1983 година во селото Бекова во Голија. Таа немаше браќа или сестри, беше единица. Неколку години по нејзиното раѓање, целото семејство се преселило во Белград, каде што изградиле семеен дом.
Од мала сакала да пее, а нејзините родители го препознале нејзиниот талент и на 13-годишна возраст ја внеле во популарниот музички натпревар „Ѕвезде Гранда“.
– Од мала сакаше да пее. Уште како девојче знаеше да ми ги облече штиклите, да земе некој предмет што е како микрофон и потоа да застане пред огледалото и да пее. Сакаше да ги пее песните на Цеца, на Драгана, но и на Брена. Беше како пеперутка – рекла мајката на пејачката.
Таа го издаде својот прв албум во 2002 година и тоа беше навестување за брилијантна кариера. Често ја нарекуваа наследничка на Светлана Цеца Ражнатовиќ, но тогаш судбината почна сурово да си поигрува со нејзиниот живот.
Таткото на Јелена Марјановиќ беше клучен поддржувач во нејзината кариера и приватен живот. Кога ненадејно починал, младата пејачка наеднаш го изгубила тлото под нозете. Таа се повлече од јавната сцена, а само една деценија подоцна, кога конечно најде сила да продолжи да се занимава со музика, зборуваше за тие моменти во едно интервју.
– Тоа тотално ме претепа и ме уби. После тоа немав сила да продолжам. Тој ја водеше мојата кариера, тој беше мојата сила. Никој не смееше да стави прст на мене. Кога замина, сè згасна. Сега кога се вратив на сцената, чувствувам дека и татко ми е среќен, каде и да е – изјави тогаш Јелена.
Една година по смртта на нејзиниот татко, Јелена го загуби и својот чичко, кој се грижеше за неа по заминувањето на нејзиниот брат.
Во 2010 година се омажи за композиторот и аранжер Зоран Марјановиќ, со кој ја доби ќерката Јана, а нејзиниот сопруг веќе имаше син од претходниот брак. Иако на сите во нивното блиско опкружување овој брак им изгледаше полн со љубов, Јелена мака мачеше.
Потоа дознава дека нејзината мајка боледува од малигнен тумор, па целосно се грижеше за неа. Растргната помеѓу работата, грижата за детето и болната мајка и стравот од губење на друг родител, таа никогаш не се пожалила. Таа дури настапувала на хуманитарни концерти за да им помогне на ранливите деца.
Меѓутоа, по погребот на нејзиниот чичко, таа имала чуден разговор со нејзината тетка:
– Минатата година, по погребот на мојот сопруг, разговаравме во автомобилот. На мојот коментар дека јас сум следена, таа одговори: Не си ти, јас сум – рекла тетката на Јелена, веднаш по нејзиното убиство.
Што всушност се случило во нејзиниот брак и какви работи премолчувала внатре во себе ќе остане голема тајна која Јелена ја однела во својот гроб.
Една од нејзините големи пријателки од музичката сцена беше Нада Топчагиќ. По смртта на пејачката, таа тврдеше дека нејзината помлада колешка последните денови била зафатена со заедничката дуетска песна што требало да ја снимат, и исто како да претчувствувала.
– Се сеќавам дека седевме во студио до три часот наутро додека таа ја држеше ќерка си во раце. Се чинеше дека претчувствуваше дека ќе умре- изјави Нада.
Пријателите и колегите ги имаат најубавите зборови за Јелена.
– Животот е за борци. Или си лав или те нема – изјави Јелена во едно од нејзините последни интервјуа.