Српските медиуми објавија нови детали од бурниот развод на Харис и Мелина Џиновиќ.
Имено, таа купила стан во елитниот дел на Белград каде живее сама, додека децата останале да живеат со Харис во вила на Сењак. Пејачот претходно изјави дека разводот тешко го прифатиле нивните две деца, иако се полнолетни.
„Таа ме остави, јас не ја оставив. Не знам ништо, обично изневерениот сопруг последен дознава. Луѓето велат дека разводот после смртта е најтешка работа. Јас малку би го негирал тоа. Како? Па, добро, ако не ти се допаѓа да бидеш со мене, нема да бидам ни јас со тебе“, додаде тој.
Како што е познато, Харис со семејството се пресели во вила на Сењак во 2021 година. Неговата изградба започна во 2017 година, а во неа беа инвестирани приближно два милиони евра.
„Постојано се менувам. Не сум архитект, не сум градежен инженер. Не читам нацрти или планови. Гледам кога нешто се гради и потоа реагирам. Им велам: „Срушете го овој ѕид затоа што не ми се допаѓа, дајте ми друг, проширете ја мојата гаража да не влегувам низ игла. Тоа се сосема нормални промени при градба, не разбирам зошто би ми било тешко. Јас плаќам и сакам да изгледа како што сакам. Од друга страна архитектот и инженерот го градат и си заминуваат, јас останувам таму. Така градам за себе, а не за нив“, изјави пејачот во една прилика.