Холивудскиот актер и двократен добитник на Оскар, Том Хенкс (69), неодамна беше виден како користи јавен превоз, возејќи се со метро во Њујорк обидувајќи се да остане анонимен.
Хенкс беше облечен дискретно: носеше медицинска заштитна маска, зелена капа, очила, зелена јакна, темни панталони и црни мокасини, а со себе имаше и зелена чанта.
На фотографиите можете да го видите како седи , а на еден кадар гледа директно во камерата.
Two-time Oscar winner Tom Hanks was spotted in a low-profile appearance on a New York City Subway. 🚆 📸: BACKGRID pic.twitter.com/Uws1BADSiE
— Page Six (@PageSix) October 21, 2025
Ова не е првпат Хенкс да користи метро. Претходно во октомври, тој беше фотографиран и во уште поедноставна облека – црна кошула и панталони, тексас јакна, чизми, слушалки, а повторно имаше маска на лицето.
По возењето со метро, Хенкс беше виден како седи на клупа во паркот пиејќи пијалок.
Тој не е единствениот познат актер кој се движи меѓу „обичните луѓе“ користејќи го подземниот превоз. Меѓу другите, Харисон Форд и Калиста Флокхарт претходно беа видени на станица во метрото, а Оливија Родриго се појави на Инстаграм за да се пофали како се вози во метро во ретро фустан.
Друга позната личност која често може да се види во јавен превоз е Киану Ривс, а тој е особено пофален за скромноста што често ја покажува.