Конор Мекгрегор и Ди Девлин се венчаа: Го кажаа судбоносното „да“ во Ватикан
Познатиот ирски ММА борец Конор Мекгрегор и неговата долгогодишна партнерка Ди Девлин се венчаа на свечена церемонија во црквата Санто Стефано дели Абисини во Ватикан.
На објавените слики, 37-годишниот Мекгрегор може да се види во елегантен црн смокинг, додека неговата 38-годишна невеста Ди блескаше во венчаница со луксузен, долг превез. По церемонијата, двојката ја напушти црквата во бел автомобил украсен со цвеќиња.
#BREAKING 💍 Conor McGregor marries Dee Devlin at a historic Vatican Church. https://t.co/xXk14i2ZdA pic.twitter.com/Qe33hXCd1N
— TMZ (@TMZ) December 12, 2025
Мекгрегор и Девлин се верија во 2020 година, на роденденот на Ди, кога Конор објави нивна заедничка фотографија со натпис: „Каков роденден, идна сопруга моја“.
Нивната љубовна приказна започна во 2008 година во ноќен клуб во Даблин. За време на нивната долга врска, двојката има четири деца: синови Конор Џуниор (8), Ријана (4) и Мака (2) и ќерка Кроаи (6).
EXCLUSIVE
FIGHT FOR THIS LOVE First pics of beaming Conor McGregor after marrying longtime partner Dee Devlin in secret Vatican ceremony
The ceremony was kept tightly under wraps with only a small circle in attendance pic.twitter.com/n3lCfPjUPJ— Simo Saadi🇺🇸🇲🇦 (@Simo7809957085) December 12, 2025
ММА борецот, кој претходно оваа година размислуваше да се кандидира за претседател на Ирска, нагласи дека работи напорно за да ја обезбеди иднината на своето семејство и иднината на Ди.
Тој додаде: „Еден ден сакам Ди и јас да можеме да се релаксираме на плажа и да не се грижиме за ништо на светот. Затоа го правам ова.“