Џејсон Келси се потсети на раните фази на врската на неговиот брат Тревис Келси со Тејлор Свифт.
Келси им се придружи на Чарлс Баркли и Ерни Џонсон во новата епизода од подкастот „The Steam Room“ и разговараше за врската на Тревис и Тејлор. Џонсон побара од Џејсон да објасни како првпат дознал за нивната врска.
-Се сеќавам дека го прашав дали се шегува. Ми се чинеше лудо, но и кул што е со Тејлор Свифт, рекол Џејсон.
Тој тврди дека Тревис од самиот почеток зборувал поинаку за Тејлор и дека навистина му се допаѓала. Преку интервјуто Џејсон откри дека Тревис се менува и објасни дека развојот на својот брат го гледа поради тоа со кого се опкружува.
-Тој беше како Петар Пан, како изгубените момчиња. Мислам дека понекогаш во животот треба да имаш луѓе кои ќе го изнесат тоа од тебе. Тоа е добра работа, рекол Џејсон.
Тејлор и Тревис ги поттикнаа гласините за нивната врска во септември 2023 година, откако пејачката присуствуваше на неколку натпревари на Келси. Тревис присуствуваше и на неколку настапи на Тејлор на турнејата Ерас за време на нивната врска. Тревис неодамна истакна дека тој и Тејлор се многу среќни и уживаат во сите аспекти на животот.