Познатиот рокер Бора Ѓорѓевиќ почина на 4 септември. Фронтменот на групата „Рибља чорба“ почина во болница во Словенија, каде последните години живееше со сопругата Дубравка.
Неговите најблиски, колеги, пријатели и обожаватели денеска ќе го испратат пејачот на вечното почивалиште во родниот Чачак, каде што се одржува и комеморацијата на Боро Ѓорѓевиќ.
Потресни говори одржаа членовите на неговиот бенд „Рибља чорба“.
Милутин Милатовиќ Микец истакна дека Бора ќе живее преку нив и дека страшно ќе им недостига, како и Миша Алексиќ.
-Треба да кажам неколку зборови во име на целиот бенд во врска со заминувањето на нашиот сакан Бора. Драг наш Боки, ако мислиш дека те нема, се лажеш. Ако мислиш дека не остави, исто така се лажеш. Засекогаш ќе останеш длабоко во нашите срца и никогаш нема да заминеш. Имавме чест и среќа што не избра да се дружиме и да создаваме музика според твоите врвни текстови. Би сакал да се поздравиш со Рајко и Миша, да им кажеш дека страшно ни недостигаат, исто како што страшно ќе ни недостигаш. Најди вечен спокој и мир, затоа што тоа го заслужуваш брате, рече тој.
За Бора говореше Никола Зориќ од бендот со треперлив глас.
-Ја имав честа да бидам со Бора 22 години како дел од групата „Рибља чорба“, да го запознаам и да го разберам. Бора веќе го нема. Обезглавени сме. Овие зборови кои ги слушав пред неколку ден, ќе ми ѕвонат долго. Пред три години Бора Ѓорѓевиќ напиша песни за нашиот нов албум, последниот. Беше многу тешко да го испратиме музички, неговите длабоки мисли, неговите тешки емоции, но неговата сила и неговата волја ни дадоа инспирација да ја завршиме таа работа на најдобар можен начин, ајде да ја споделиме со вас. Семејството на Бора Ѓорѓевиќ и групата „Рибља чорба“ ќе ја имаат честа и одговорноста со посебна грижа да ги чуваат и негуваат успесите, признанијата и достигнувањата на Бора“, истакна музичарот со грутка во грлото.