„Божиќна песна“ е изведена првпат во 1993 година на фестивалот „Златно славејче“.
Музиката и аранжманот се на Кире Костов, текстот го напиша Љупчо Јакимовски, а песничката ја испеа Александра Кољозова.
Се пее со генерации, но малите деца денес можеби и не ја знаат, па затоа би било убаво да им ја пуштите, да ја научат.
Тивка јануарска ноќ
на исток ѕвезда свети,
купив божиќно дрвце
сила и моќ ми вети.
Тивок јануарски ден
радост и среќа точи,
на Христос роденден
празник за очи.
Сега мирно течете води
вистина е, Христос се роди!
Луѓе гласно запејте
Христос се роди!
Седмојануарски ден
црковни ѕвона слушам,
дрвце божиќно на врата
спокој во секоја душа.
Сега мирно течете води
вистина е, Христос се роди!
Луѓе гласно запејте
Христос се роди!