Недостатокот на мажи во Латвија сè повеќе ги принудува жените да преземат необичен чекор. Имено, тие вработуваат „мажи на час“ за да им помагаат со домашните работи.
Според неодамнешниот извештај на Евростат, Латвија има 15,5 проценти повеќе жени отколку мажи, што е три пати повеќе од просекот во Европската Унија. Според Светскиот атлас, оваа земја има двојно повеќе жени отколку мажи над 65 години.
Данија, Летонка која работи на фестивали, изјави за списанието „The Sun“ дека 98 проценти од луѓето со кои работи се жени.
„Нема ништо лошо во тоа, но само за рамнотежа, би сакала да имам повеќе мажи со кои ќе флертувам или ќе разговарам. Едноставно е поинтересно. Затоа сите мои пријателки отишле во странство и таму пронашле партнери“, рече таа.
Многу жени, како Данија, одлучуваат да „вработат сопруг“ за кратко време за да им помогне со домашните работи. Имено, тие сè повеќе користат платформи како Komanda24 каде што можат да ангажираат мажи за водоводџиски работи, столарија и други поправки, па дури и инсталација на телевизори, за неколку евра.
Remontdarbi.lv им овозможува на жените да ангажираат „сопруг за еден час“. Овие мајстори извршуваат многу домашни работи, вклучително и кречење и поправка на завеси.