Секој кој имал изгореници од сонце направил ексфолијација на кожата додека не се отстранат сите мртви клетки. Ова обезбедува само психолошко задоволство, како кога се чешате додека нешто ве чеша, но тоа не е воопшто добро за вашето здравје и изгледот на вашата кожа, велат лекарите.
Следниот пат кога ќе бидете црвени како рак, не ја лупете кожата! Иако изгледа безопасно, може да предизвика инфекција.
Поминавте некое време изложено под сонце, а сега ја плаќате цената за тоа? Ако вашата кожа се лупи, тоа значи дека сте изгореле лошо – навистина лошо.
– Лупењето е знак дека настанала значителна штета. Тоа е начинот на вашето тело да се ослободи од оштетените клетки кои потенцијално можат да станат канцерогени, објаснува докторот.
Еве зошто: Кога ќе изгорите од сонце, вашата кожа е оштетена од УВ зрачењето. Така, вашето тело се лекува со формирање на нов слој на здрава кожа. За околу четири до седум дена, новиот слој на кожата е целосно формиран, а мртвата кожа што го штити новиот слој почнува да се лупи.
Пилинг и хидратација се задолжителни доколку сакате да избегнете дамки после сончање и лупење на кожата
Бидејќи вашата кожа е ранлива во оваа состојба, не треба да ја лупите. Новиот слој одоздола работи на целосно заздравување на кожата. Ако го излупите горниот слој пред да биде подготвена кожата одоздола, процесот на заздравување може да се прекине и ризикувате да ја изложите младата кожа на инфекции и воспаленија.
Отворањето нова кожа без заштитниот сув слој погоре го олеснува навлегувањето на бактериите во вашата кожа. Секое место каде што е оштетена сувата кожа е потенцијален влез за бактерии. Ако добиете инфекција, тоа го зголемува ризикот од лузни.
Избегнувајте носење груби материјали во тој дел, советуваат лекарите. Исто така, колку и да е тешко, обидете се да не ја лупите изгорената кожа – може да го има истото штетно дејство.
Наместо тоа, нанесете хидратантен лосион или крем за кожа. Вашата кожа е многу исушена од сонцето, а лосионот ќе обезбеди влажност и ќе го забави процесот на лупење. Ако ни тоа не помогне, земете лекови како ибупрофен кои ќе го намалат воспалението и ќе го спречат лупењето на кожата.