Социјалните мрежи Фејсбук и Инстаграм, како и апликациите Месинџер и Трејдс повторно работат, откако попладнево беа во прекин еден час.
Причината веројатно е голем прекин на серверот во матичната американска компанија Мета, јавуваат светските медиуми. Веб-страницата за следење на состојбата на онлајн сервисите „Down Detector“ покажа големи прекини на Инстаграм, Фејсбук и Месинџер.
Откако состојбата се нормализираше се огласија од Фејсбук.
-Се вративме. Многу ни е жал за сите кои не можеа денеска да пристапат до својот Фејсбук, стои во статусот на официјалниот профил на Фејсбук.
Проблеми со социјалните мрежи имаше низ целиот свет.