Според протечените информации, се чини дека Samsung Galaxy S24 FE ќе биде значително понапреден од неговите претходници.
Според Android Headlines, новиот Samsung Galaxy S24 FE треба да биде претставен во октомври, откако на пазарот ќе се појават новите модели Pixel и iPhone.
Наводно, Galaxy S24 FE ќе има 6,7-инчен екран со брзина на освежување од 120 Hz и процесор Exynos 2400e. Исто така, со батерија од 4.565 mAh, новиот модел ветува значително подобар животен век – до 78 часа кога слушате музика или околу 29 часа кога гледате видеа.
Во однос на камерите, овој телефон наводно ќе ги има речиси истите камери како Galaxy Z Fold 6. Тие вклучуваат главна камера од 50 MP, ултра широка камера од 12 MP и камера со троен оптички зум од 8 MP. Има и селфи камера од 10 MP.
Исто така, се вели дека Samsung планира да ја примени технологијата Galaxy AI на својот нов модел Galaxy S24 FE – првично ќе доаѓа со оперативниот систем One UI 6.1.1, но имајќи предвид дека наскоро ќе излезе нова верзија, One UI 7, постои можност уредот веднаш да го добие ажурирањето.
Иако цената се уште не е позната, се претпоставува дека ќе биде нешто повисока од минатогодишниот модел – меѓу 650 и 700 долари во САД.