Иван Дропуљиќ, директор на загрепскиот фестивал VINOcom, неодамна ги објави датумите на шеснаесеттиот VINOcom Загреб. За сите оние кои до сега го пропуштија овој празник на хедонизмот, треба да се нагласи дека за време на неговото траење има постојано претставување и дегустација на вино, спарување на различни вински сорти со најразлични јадења и современа едукација за енологија и гастрономија за сите вљубеници на „рафинираниот“ вкус.
Настанот привлекува бројни изложувачи, производители и трговци на вино, пршута, сирење, маслиново масло, кулен, слатки и други производи од Европската Унија и од соседните земји, како и од други делови на светот преку нивните увозници.
Како и изминатите години, се очекува голем одѕив на сите љубители на врвните вина и кулинарски деликатеси. Детали за програмата на овогодинешниот VINOcom Загреб може да ги најдете на следниов линк.
Фестивалот е отворен од 11:00 до 18:00 часот. Цената на еднодневна влезница во претпродажба изнесува 20,00 евра, додека на самиот ден ќе чини 30,00 евра и истата ќе може да се купи на самиот влез во хотел Еспланаде.
Претпродажбата е отворена до 28. ноември 2023 година.
Влезница купена (во претпродажба или на влез) за четврток, 30. ноември или петок, 1. декември ќе важи и за недела, 3. декември.
Се гледаме на VINOcom во Еспланаде!