Премиерот Христијан Мицкоски и Владата на ВМРО-ДПМНЕ покажуваат одговорност на дело кон највозрасната категорија на граѓани, велат во партиското соопштение од ВМРО-ДПМНЕ.
Во првата недела од мандатот на Владата на ВМРО-ДПМНЕ се донесе одлука за линеарно покачување на пензиите од 5000 денари на сите пензионери.
Над 300.000 граѓани ќе добијат повисоки пензии за 5000 денари, односно најниската пензија од септември ќе биде 15.600 денари, додека пак просечната пензија ќе ја надмине минималната плата во државата.
Првото покачување од 2500 денари пензионерите ќе го добијат веќе во септември, а другото покачување од истиот износ ќе го добијат во март следната година.
Животниот стандард и квалитетен живот на пензионерите и сите граѓани се приоритет на владата на ВМРО-ДПМНЕ и Мицкоски.
ВМРО-ДПМНЕ вети, ВМРО-ДПМНЕ реализира.
Пензионерите заслужуваат мирен и достоинствен живот.
Исполнуваме. За тебе!,стои во соопштението од партијата.