Изминативе два дена има голем број на гласини за отказ на Чави, наводно Жоан Лапорта се почувствувал предаден од последните коментари на стратегот и решил да се разделиат по крајот на сезоната.
Самиот Чави денеска го негираше ова, вели дека тој и понатаму ќе биде тренер на Барселона.
Но никако да престанат написите за случувањата во редовите на „каталонците“, последните информации велат дека пет фудбалери не се задоволни од третманот.
Станува збор за Роберт Левандовски, Рафиња, Жоао Феликс, Роналд Араухо и Витор Роке, сите сметаат дека Чави не ги користи најдобро нивните квалитети.