Цените на нафтата пораснаа во понеделник на меѓународните пазари кон 86 долари поради засилените украински напади врз руската енергетска инфраструктура.
На лондонскиот пазар попладнето цената на барелот со датум на испорака беше за 51 цент повисока отколку на затворањето на тргувањето минатиот петок и изнесуваше 85,85 долари. На американскиот пазар, пак, барелот за испорака во април поскапе за 62 центи на 81,66 долари. Поактивно се тргуваше со барелите за испорака во мај, по цена повисока за 60 центи, 81,18 долари.
Организацијата на земјите извознички на нафта (OPEC) во посебен извештај објави дека во петокот бареот од референтната нафтена кошница на нејзините членки поскапел за 54 центи на 84,74 долари.
Поддршка за цените даде минатата недела Меѓународната агенција за енергија (IEA) со зголемена проценка за растот на побарувачката оваа година, на 1,3 милиони барели дневно. Организацијата на земјите извознички на нафта (OPEC) очекува уште посилен раст, за 2,2 милиони барели дневно.
Во исто време, инвеститорите беа вознемирени од украинските напади врз рафинериите во Русија, кои минатата седмица додадоа премија за ризик од два до три долараа на цената на барелот, според Вандани Хари од „Vanda Insights“. Премијата остана на сила и на почетокот од седмицата, бидејќи нападите зачестија за време на викендот, додава Хари.
Анализата на Reuters покажа дека нападите блокирале околу седум отсто од капацитетот за рафинирање на Русија во првиот квартал. Поради застојот во работата на рафинериите, Русија до крајот на март ќе извезува речиси 200.000 барели нафта дневно преку своите западни пристаништа, што е повеќе од месечниот план, кој предвидува извоз од 2,15 милиони барели дневно, соопштија учесниците на пазарот.
Ова значи дека испораките на дневна основа ќе бидат за 10 отсто повисоки од првично планираните за март, покажаа пресметките на Reuters.
Ирак, пак, во понеделникот најави дека како дел од договорот меѓу ОПЕК и неговите сојузници ќе ја намали понудата за повеќе од 100.000 барели дневно во однос на нивото од февруари за да го „балансира“ поголемото производство во првите два месеци од оваа година.
Трговците внимателно ќе го следат овонеделниот дводневен состанок на централната банка на САД што завршува во среда и треба да разјаснат кога ќе започне со намалување на каматните стапки, рече Тони Сајкамор од ИГ.
Банката на федерални резерви најверојатно ќе ги задржи на сегашните нивоа и никој не може со сигурност да каже во моментов дали ќе ги намали во јуни, додаде Сикамор.
Пониските каматни стапки би можеле да ја зголемат побарувачката во САД, најголемиот светски потрошувач на нафта, и да ги поддржат цените.