Аргентинскиот фудбалер и дефанзивец на Манчестер Јунајтед, Лисандро Мартинез ќе отсуствува два месеци од терените поради повреда, објавија денеска аргентинските медиуми.
Мартинез го повреди коленото на неделниот првенствен натпревар против Вест Хем, а според медиумите ги истегнал лигаментите на коленото. Ова беше само четврти негов настап, по долга пауза исто така поради повреда.
– Катастрофа за него. Работеше многу напорно за да се врати и сега, по четири натпревари, изгледа дека повторно треба да паузира подолго, изјави тренерот на Јунајтед, Ерик Тен Хаг.