Најстудено утрово е на Попова Шапка каде што се измерени -3 степени и 57 сантиметри снежна покривка, а температура под нулата е измерена и во Mаврови Анови (-1 степен).
Нула степени во Лазарополе и Kрушево, 1 степен во Ѓуриште, Пожаране, Радовиш и Пожар, 2 степена во Берово и Тополчани, 3 степени во Претор, 4 во Охрид, Крива Паланка, Битола, Прилеп и Штип, 5 во Виница, Тетово, Струмица и Куманово, 6 степени во Скопје – Зајчев Рид, Велес, Демир Капија и Кавадарци и 8 степени во Гевгелија.
Како што соопшти УХМР, во изминатите 24 часа најмногу дожд наврнало во Маврови Анови (7 литри на квадратен метар), 6 во Битола, 5 во Охрид, 3 литри во Претор, Попова Шапка и Берово, 2 во Лазарополе, Виница и Тополчани и по 1 литар на квадратен метар во Скопје – Зајчев Рид, Демир Капија, Крушево, Пожаране, Велес, Прилеп, Струмица, Крива Паланка и Штип.
Според прогнозата на УХМР, денеска ќе има врнежи кои наместа ќе бидат пообилни (над 20 литри на квадратен метар) под влијание на циклонска активност.
-Поради спуштање на ладна воздушна маса, на планините и некои од повисоките места врнежите од дожд ќе преминуваат во снег. Ќе дува засилен повремено силен ветер, кој наместа ќе достигнува и над 70 километри на час Максималната температура ќе биде во интервал од 7 до 12 степени, соопшти Управата за хидрометеоролошки работи.
Во Скопје времето ќе биде претежно облачно со врнежи од дожд. Ќе дува засилен до силен ветер од северен правец. Максималната температура ќе достигне 10 степени. (МИА)