Селин Дион, која претходно отсуствуваше од настапи поради ретко невролошко нарушување, најави серија концерти што ќе ја вратат на сцената.
Потврдувајќи многу шпекулации, Дион ќе одржи 10 концерти во Париз, според објавата во понеделник на социјалните мрежи во чест на нејзиниот роденден. Концертите ќе се одржат во септември и октомври.
-Оваа година го добивам најдобриот подарок за роденден во мојот живот, рече таа во видео објавено на нејзините социјални мрежи.
Пресреќната пејачка која наполни 58 години во понеделник додаде дека „се чувствува добро“ и „силно“, дури и малку танцува.
„Возбудена сум, очигледно малку нервозна, но најмногу од сè, ви сум благодарна на сите вас“, рече таа. „Ве сакам сите и се гледаме наскоро!“.
Претпродажбата на билети започнува на 7 април.
Објавата означува значаен момент на триумф за пејачката, чие повлекување од јавноста беше поради здравствената битка што ја водеше сè додека не им даде на обожавателите и поддржувачите ранлив поглед зад завесата во документарец од 2024 година.
Добитничката на Греми објави во 2022 година дека ѝ е дијагностициран синдром на вкочанета личност и одложува неколку европски турнеи.
Во 2024 година, Дион настапи на отворањето на Летните олимписки игри што се одржаа во Париз, изведувајќи возвишена верзија на „L’Hymne à l’amour“ од Едит Пјаф.