Фондот за здравствено осигурување упати предупредување до јавните здравствени установи што имаат апарати за магнетна резонанца да проверат уште колку хелиум имаат, бидејќи цените на овој гас се зголемија по војната во Иран. Ова денеска го истакна директорот на ФЗО, Сашо Клековски.
Испративме предупредување до јавните здравствени установи што имаат магнетна резонанца да си ги проверат состојбите со апаратите и со состојбите со хелиумот, бидејќи хелиумот е една од суровините што е погодена со војната во Иран. И веќе скокнаа цените за 30 отсто на европскиот пазар. Без хелиум не можат да работат магнетните резонанци. Предупредени се да постапат со проверките, кажа Клековски.
Побаравме, додаде тој, да се напарават навремени проверки на состојбите на магнетните резонанци во земјата дури се уште има достапен хелиум на европскиот пазар.