Радоста на Макс Ферстапен и неговиот тим по доминантната победа на четиричасовната трка НЛС2 (Nürburgring Langstrecken-Serie) траеше многу кратко.
Само два часа по завршувањето на трката, екипажот на болидот со број 3 (Winward Racing Mercedes-AMG GT3) беше официјално дисквалификуван поради сериозно прекршување на техничките правила.
За време на рутинската пост-тркачка проверка на баркодовите, техничката комисија открила неверојатна грешка. Тимот на Ферстапен,
Дани Хункадела и Жил Гунон искористил седум сетови на гуми (вкупно 28 гуми) во текот на трката, иако правилата стриктно дозволуваат максимум шест сетови (24 гуми) по екипаж за еден тркачки ден.
Бидејќи во НЛС шампионатот важи правилото на „нулта толеранција“ за вакви технички прекршоци, стјуардите немаа друга опција освен да го исклучат победничкиот автомобил од конечниот пласман.