Капитенот на Челси, Рис Џејмс, доживеа повреда на бутниот мускул, јавува „Атлетик“.
Според информациите, 26-годишниот дефанзивец ќе биде надвор од терените неколку недели и го пропушти последниот тренинг на Челси пред реваншот од осминафиналето на Лигата на шампионите против Пари Сен Жермен.
Ова е десетта слична повреда за Џејмс од декември 2020 година наваму.
Во актуелната сезона, англискиот репрезентативец има 27 настапи за Челси во Премиер – лигата, постигнувајќи два гола и забележувајќи четири асистенции.