Извлечени се двојките за четвртфиналето, па љубителите на фудбалот можат да очекуваат интересни натпревари.
Средбите од оваа фаза се закажани за 4 и 5 април. Во четвртфиналето ќе настапат шест екипи од Премиер лигата, еден клуб од Чемпионшип и еден тим од втората лига.
Најголемо внимание се очекува да привлече дербито меѓу Манчестер Сити и Ливерпул, два клуба кои важат за главни претенденти за трофејот. Овој натпревар ќе се одигра на стадионот „Етихад“.
Арсенал ќе гостува кај Саутемптон, додека Челси ќе се соочи со Порт Вејл и ќе ја има улогата на фаворит.
Лидс, пак, ќе го добие својот противник по дуелот меѓу Вест Хем и Брентфорд, од кој ќе биде познат последниот учесник во четвртфиналето.