Тензии во редовите на Реал Мадрид – шпанските медиуми пишуваат за нарушен однос меѓу тренерот Серџо Скариоло и Марио Хезоња.
Наводно, конфликтот кулминирал во финалето на Купот на кралот, кое го освои Басконија, кога Хезоња бурно реагирал по една измена.
Иако има договор со клубот, се шпекулира дека по крајот на сезоната би можел да замине, а како можна дестинација се споменува Дубаи. Во Евролигата сезонава има просек од 12,6 поени по натпревар.