Бразилскиот фудбалер и член на Реал Мадрид, според најновите информации, Винисиус Жуниор ќе го продолжи договорот со шпанскиот клуб.
Се очекува еден од најдобрите светски напаѓачи да потпише нов договор со „кралевите“ кој би траел до 2030 година со опција за продолжување на уште една година.
Тој ќе добива нето плата од речиси 22 милиони евра годишно со бонуси кои би можеле да достигнат до 27 милиони.
Можниот нов договор доаѓа откако ја врати самодовербата и перформансите со Арбелоа, кој го направи да се чувствува удобно на теренот.
Сезонава во Ла Лига има 24 настапи, девет голови и пет асистенции, а во Лигата на шампионите девет настапи, два голови и четири асистенции.