Стаменкоска Трајкоска: Патот кон Теферич е затворен за сообраќај

Градоначалничката на Општина Кисела Вода Бети Стаменкоска Трајкоска изврши увид на терен со градоначалникот на Општина Сопиште, Јане Мицевски, на патниот правец Теферич.

По извршените стручни анализи во координација со сите релевантни институции, донесена е одлука за итно затворање на овој патен правец. Ја информираме јавноста дека интензивно се работи на изнаоѓање на најбрзото и најбезбедното техничко решение за трајна санација на оштетувањето, објави Бети Стаменкоска Трајкоска.

Тие уапатија апел до сите граѓани доследно да ја почитуваат поставената сигнализација и да ги користат алтернативните патни правци сè до целосно отстранување на дефектот.

Посветени сме на изнаоѓање на најбрзо и сигурно решение за враќање на патот во нормална функција, потенцира во оовјавата градоначалнилката.