Поранешниот селектор на хрватската ракометна репрезентација, Славко Голужа, е пренесен во болница откако му се слошило за време на натпреварот на РК Бјеловар.
Според локалните медиуми, Голужа на почетокот на второто полувреме од дуелот меѓу Бјеловар и РК Нексе почувствувал болка во градите.
Во придружба на играчи и помошниот тренер се повлекол во соблекувалната, каде што набрзо пристигнала итната медицинска помош.
Тој бил пренесен во болницата во Бјеловар, а според достапните информации неговата состојба е стабилна. Тоа го потврдил и директорот на клубот, Давор Ламза.