Американското Министерство за здравство и социјални услуги (ХХС) на платформата „Икс“ објави видео во кое министерот за здравство Роберт Ф. Кенеди и музичарот Кид Рок вежбаат и јадат здрава храна.
Кенеди го објави видеото и на својот профил со порака дека „ги здружил силите со Кид Рок за да пренесе две едноставни пораки до американскиот народ: БИДЕТЕ АКТИВНИ + ЈАДЕТЕ ВИСТИНСКА ХРАНА.
Рок е американски музичар, кој стана познат кон крајот на 90-тите години од минатиот век. Тој изминатите години отворено ги поддржува политиките на претседателот Доналд Трамп и републиканците и често учествува во политички кампањи.
Во видеото Кенеди и Рок вежбаат, пливаат во базенот, а американскиот министер нурка во ледена бања. На крајот, тие пијат чаша полномасно млеко.
I’ve teamed up with @KidRock to deliver two simple messages to the American people: GET ACTIVE + EAT REAL FOOD. pic.twitter.com/PkK8IfkPU4
— Secretary Kennedy (@SecKennedy) February 17, 2026