Полициска опсада вечерва на повеќе објекти и локации во Струмица и струмичко, а воедно и објектот во Скопје во поранешниот комплекс „Охис“ е целосно под контрола на властите од четврток вечерта, јавува неофицијално Пресс24.
Наводно вклучени се повеќе институции полиција, царина, здравствени служби и јавно обвинителство, а се насочени кон мрежата на т.н. „легални“ производители на канабис кои со години ја злоупотребуваат дозволената дејност.
За сега нема потврди, нема деманти. Премиерот Мицкоски денес при изјавите за медиуми не сакаше да се впушта во детали за марихуаната запленета во Србија, што говори дека во позадина била опсежна акција на МВР. Повеќе информации се очекуваат во текот на утрешниот ден.