Од таборот на Алмерија се гневни на случувањата на Сантијаго Бернабеу, кои водеа со 2-0, но на крајот го загубија мечот со 3-2.
Алмерија пропушти водство од 2-0 на полувремето против Реал Мадрид. Фенерџијата во Ла Лига имаше убава шанса да освои барем бод против големиот противник, но наместо тоа си замина со празни раце.
Во текот на второто полувреме ВАР трипати интервенираше и сите трипати беше во полза на Реал Мадрид. При досуден пенал за домаќините, за поништен гол за Алмерија, и признаен гол за кралскиот клуб.
Во таборот на Алемрија се сомневаат во исправноста на одлуките, дефанзивецот Марк Пубиљ не се штедеше во изјавите по мечот.
„Мислам дека некој одлучил да не ни дозволи да победиме тука на Бернабеу денеска, тоа се случи. Нема што повеќе да кажам“, изјави Пубиљ.
