Европската агенција за безбедност на воздухопловството (ЕАСА) им препорача на авиокомпаниите да го избегнуваат иранскиот воздушен простор поради „тековната ситуација и потенцијалот за воена акција на САД“ во регионот.
– Присуството и можната употреба на широк спектар на оружје и системи за воздушна одбрана, во комбинација со непредвидливи реакции имаат висок ризик за цивилните летови, се наведува во соопштението од ЕАСА.
Агенцијата им препорача на авиокомпаниите да бидат претпазливи и да ги применуваат плановите за вонредни ситуации. (МИА)