Бразилскиот претседател Луиз Инасио Лула да Силва денеска изрази најостра осуда за американската воена операција во Венецуела и заробувањето на претседателот Николас Мадуро, пренесе ДПА.
-Бомбардирањата на венецуелска територија и заробувањето на нејзиниот претседател преминуваат една неприфатлива линија. Овие акти претставуваат сериозна навреда за суверенитетот на Венецуела и уште еден екстремно опасен преседан за целата меѓународна заедница, напиша Лула на X.
Тој додаде дека напаѓањето држави со еклатантно кршење на меѓународното право е првиот чекор кон насилство, хаос и нестабилност.
Бразил, како најголема економија во регионот, дели долга граница со Венецуела, а Лула и претходно изразуваше загриженост за безбедноста во регионот со оглед на тензиите меѓу Соединетите Американски Држави и Венецуела. (МИА)