Поранешниот директор на затворот „Скопје“ во Шуто Оризари, Филип Андов – Сокол, е осуден на осум месеци затвор за злоупотреба на службената положба и овластување во случајот „Затвор Скопје“.
Пред две недели истиот стана дел од „новото“ раководство на СДСМ на стариот губитник Филипче. Претпоставката на познавачите беше дека тоа е сторено за да потоа глумат дека е политички, а не криминален затвореник. По осудата за сторениот криминал, се очекува СДС да глуми дека тој е затворен затоа што е дел од ИО на Филипче, а не дека е криминалец со тапија. И врапчињата знаат дека ова беше евтината финта на СДСМ.
На социјалните мрежи веќе се шегуваат „Ајде, па да ги фати мајата на Сокол и Зоче, Вицето, Венко и останатиот дел од екипата. Аирлија!“
Основниот кривичен суд Скопје ја објави пресудата за предметот кој се однесува на злоупотреби во затворот. Сите обвинети се огласени за виновни за кривичните дела што им се ставаат на товар.
Обвинетиот П.А. за злоупотреба на службената положба и овластување, доби условна казна од шест месеци затвор, која нема да се изврши доколку во наредните две години не стори ново кривично дело.
Обвинетите Ѓ.Р. и С.П., кои беа обвинети за несовесно работење во службата, добија условни казни од по три месеци затвор, со рок на проверка од една година.
Обвинетиот Т.Н., обвинет и за злоупотреба на службена положба и овластување и за несовесно работење во службата, доби единствена условна казна од осум месеци затвор, која нема да се реализира ако во следните три години не стори ново кривично дело.
Обвинетиот Е.О., исто така товарен за несовесно работење во службата, доби условна казна од шест месеци со рок од две години, додека обвинетиот К.В., обвинет за истото дело, е осуден на три месеци условно, со важност од една година.