Ученици од основното училиште со ресурсен центар „Кочо Рацин“- Битола денеска беа во посета на локалната самоуправа.
Во салата на Советот на Општина Битола каде имаше комисиска расправа, учениците беа пречекани од претседателот на Советот, Бојан Бојкоски и присутните советници на комисијата.
Учениците беа запознати со значењето на оваа институција и како таа функционира.
Исто така беа примени и во кабинетот на градоначалникот на Општина Битола, Тони Коњановски, кој пак ги информираше за неговата функција, за значењето на работата на администрацијата и за тоа како функционира локалната самоуправа.
Потоа им подари новогодишни пакетчиња, а пред да ја завршат посетата направија и заедничка фотографија и со нивните наставници и родители.