Русија ноќеска изведе масирани напади со ракети и дронови врз Украина, при што беше погоден железнички јазол во близина на Киев, соопшти украинската железничка компанија „Укрзализница“.
-Непријателот продолжува намерно да ја напаѓа железничката инфраструктура. Разурнати се станицата Фастив и возен парк на приградските линии. Нема жртви, но сообраќајот е нарушен, се наведува во соопштението.
Службата за итни ситуации пријави пожар и разурнувања на железничка станица и депо во регионот на Киев. Оштетувања има и во Черниговска област.
Fastiv, Kyiv region. This is what Fastiv railway station looks like after Russia’s nighttime strike: the building is almost completely destroyed. The wagon depot was also damaged. Workers were in the storage room at the time of the impact, said UZ board chairman Pertsovsky. pic.twitter.com/fUoqx189ji
— EMPR.media (@EuromaidanPR) December 6, 2025
Во последните недели руската армија ги засили нападите врз украинскиот енергетски сектор. Украинското министерство за енергетика соопшти дека ударите ја погодиле енергетската инфраструктура во осум области, поради што има прекини на струја. Екипите работат на итни поправки „каде што безбедносните услови го дозволуваат“.
Во Одеската област најмалку 9.500 корисници останале без греење, а околу 34.000 без вода.